تسوق الآلم! | هولوجرام

تاريخ النشر أول مرة: 16 يناير 2022

grandson او حفيد، هو مغني كندي بتابعه من 2019، افتكر ان عدد متابعينه على تويتر كانوا قليلين جداً وقتها بالمقارنه بـ حالياً (اللي هو لسة قليل برضه)

اعتقد انه مش مشهور في العالم العربي بالرغم ان ليه اكثر من اغنية حققت ارقام ضخمة، قليلين جدًا اللي بيسمعوا جراندسون او يعرفوه من الاساس، المهم، مش هطول عليك لاني عارف كويس انك هربان من دراستك وجاي هنا

عند جراندسون اغنية كانت ضمن البومه الاخير (Death of an optimist)، كانت بعنوان تسوق الآلم او pain shopping، الاسم غريب وملفت وجذاب.

بيتكلم جراندسون في الاغنيه عن مصطلح غريب سمعه لأول مره من صديقة له، وهو تسوق الآلم..

بتبدأ الاغنية بالتالي..

Depression on sale for a limited time
You can get it in person or get it online

الاكتئاب عليه خصم لفترة محدودة
يمكنك ان تحصل عليه اوفلاين او اونلاين

وبعدين بيكمل..

Half of us on a prescription
We tryna feed an addiction 

نصفنا يعيش بوصفات طبية (ادوية)

كلنا نحاول تغذية الادمان

مش عارف لو فهمت فكرة المصطلح ولا لا، سواء اونلاين او اوفلاين فيه حاجات كتير بتعملها بتسبب لك اكتئاب ولكنك لسة بتعملها عادي، وبعدين تروح لدكتور عشان يعالجك ومن هنا تبدأ ادمان الادوية او ادمان المخدرات في حالات اخرى.

بعدها الاغنية بتكمل..

I'm pain shopping

Looking for the proof that I'm still alive
I wanna feel something
'Cause all that I got is

Nothing, nothing, nothing
I feel nothing, nothing, nothing

انا اتسوق الآلم، ابحث عن سبب لاظل حياً
اريد ان اشعر بشئ، لان كل ما اشعر به هو
لاشئ، لاشئ، لاشئ

وهنا اعراض الاكتئاب واضحة

* * *

مصطلح تسوق الآلم هو مصطلح مش مباشر، لانك بتتسوق (بتستهلك/بتعمل) حاجات هي اللي بتسبب الآلم فيما بعد، ومن هنا ممكن نطلع بمصطلحات تانية.. مثلاً.. تسوق المرض!، كل مره تدخل فيها سوبر ماركت وتشتري اي شئ فيه سكر فأنت حالياً بتتسوق المرض!

المهم نرجع للأغنية ، واللي بحبها بالرغم من غرابتها، واعتقد انها غريبه حتي للناس اللي بتحب جراندسون لدرجة انها من اقل الاغاني اللي حققت ارقام في الالبوم...

اسمع الاغنية من هنا (ده لو عايز يعني)